Udalak, funts publikoen kudeatzaile gisa, ondorengo betebeharra du: urtean zehar egin duen jarduera ekonomiko-finantzieroaren berri eman, justifikatu eta horrek dakarren arduraren kargu egin. Horretarako, urteroko kontuak egin behar ditu, eta horietan erakutsi behar du aurrez aipatutako jarduera nola egin duen. Urteroko kontuak jarduera ekonomikoaren emaitzen gaineko informazioa eskaintzen duten dokumentuen bidez egiten dira. Aipatutako kontuak ondorengo dokumentuen bidez daude osatuta:

1.- Egoeraren balantzea: ondarearen egoera eta baariazioak jasotzen ditu, udalaren ondasunen eta eskubideen egoera, bere finantzazioa, mailekuak eta zorrak, urtearen amaieran.

2.- Egoera ekonomiko-patrimonialaren kontua: udalak ekitaldia amaitu arte izan dituen sarrerak eta irteerak, onurak eta galerak jasotzen ditu.

3.-Aurrekontuaren likidazioa: aurrekontuaren exekuzio-egoera jasotzen du, urte horretan jaso diren baliabideak zertan gastatu diren eta gastua zenbatekoa den jakinarazten du, zenbat baliabide jaso diren eta baliabide horiek zein diren jasotzen du. Gastuak eta sarrerak nola egin diren ere jasotzen du.

4.- Memoria: osatua, eta argia, aurreko puntuetan jasotzen den informazioari buruzkoa.